Ѓоковиќ во солзи – Тешко е да се проголта ваков пораз! (видео)

Русинот Данил Медведев неочекувано лесно со 3:0 го порази Новак Ѓоковиќ во финалето „УС Опен“, последен Гренд слем годинава.

Вториот носител Медведев со идентични 6:4, 6:4 и 6:4 го совлада светскиот рекет број еден Новак Ѓоковиќ, а мечот траеше 2 часа и 17 минути.

Ѓоковиќ по овој пораз не успеа да стигне до 21. Гренд слем титула, ниту до четврта во една календарска година од големите турнири.

„Тешко е да се проголта овој пораз, но Данил беше подобар. Имам измешани чувства, сакам да кажам дека, иако не победив, јас сум најсреќен човек на светот, затоа што вие, публиката, направивте да се чувствувам посебно на теренот. Никогаш не сум се чувствувал вака во Њујорк“ – рече Ѓоковиќ.