Ѓоковиќ пак е број еден на АТП листата

Српскиот тенисер Новак Ѓоковиќ се врати на врвот на АТП листата!

По краткото владеење на Русинот Данил Медведев, Новак се врати на тронот и ја започна 362-та недела на врвот на светскиот тенис.

Ѓоковиќ сега има 20 бода повеќе од Медведев, кој оваа недела настапува на Мастерсот во Мајами.

Ѓоковиќ не може да губи бодови, бидејќи минатата сезона не играше на овој турнир, додека Русинот треба да брани четвртфинале.

По уште еден одличен резултат, на третото место излезе Шпанецот Рафаел Надал, додека на четвртата позиција падна Александар Зверев.