Јапонецот Хонда потпиша во првакот на Литванија

Кеисуке Хонда нема намера да ја заврши кариерата, па продолжува неговото „шетање“ по разни клубови.

Сега поранешниот јапонски репрезентативец ќе игра во Литванија со лидерот во првенството, Судува. Јапонецот беше без клуб од 12. февруари кога го напушти португалскиот Портимоненсе.

Претходно имаше епизоди во Нефтчи Баку, Витесе, Мелбурн Виктори, Пачука…Најдобрите денови Хонда ги помина во ЦСКА Москва каде што играше најдобар фудбал. Во кариерата имаше прилика да го носи и дресот на Милан.