Јован Манев пред промоција во Нови Пазар

Македонскиот репрезентативец, Јован Манев кој не се изнаигра во Ријека, би можел да се пресели во српското првенство, тој е пред трансфер во Нови Пазар.

Овој клуб се наметнува како еден од постабилните во Суперлигата на Србија, а сега сака да го засили составот со нашиот Манев.

Наводно преговорите се во завршна фаза и наскоро трансферот треба да биде потврден.

Манев кариерата ја почна во Осогово од каде се пресели во Брегалница. Потоа замина на печалба во странство, прво во Адана Демирспор, па Осијек и Ријека.