Јокиќ и официјално стави потпис на најголемиот договор во историјата на НБА

Кошаркарот на Денвер Нагетс, Никола Јокиќ и официјално го потпиша најголемиот договор во историјата на НБА лигата.

Клубот од Колорадо на двократниот МВП играч на НБА лигата со новиот договор се обврза да му исплати 264 милиони долари за пет години. Со ова Јокиќ постави нов стандард во најсилната кошаркарска лига што се однесува на финансиските примања.

Минатата сезона 27-годишниот Јокиќ одигра 74 натпревари во регуларниот дел на првенството и забележа просек од 27.1 поен, 13.8 скока, 7.9 асистенции и 1.5 украдени топки.