Јувентус ја одреди цената за продажба на Матијас Де Лихт

Според информациите достапни во италијанските портали, Јувентус е подготвен да го продаде дефанзивецот Матијас Де Лихт, но само за доколку некој плати 65 милиони евра.

Според информациите, најголем интерес за 22-годишниот Холанѓанец покажува Барселона и тренерот Чави, кој во играчот гледа долгорочно решение за проблемите во одбраната на тимот.

Иако од Јувентус немаат желба за продажба на Де Лихт, менаџерот на играчот, Мино Рајола го убедува својот клиент да го напушти Торино.

Освен Барселона, во битка за евентуален трансфер на Де Лихт би можеле да се вклучат и екипите на Челзи и Баерн.