Јувентус ја пронајде замената за Дибала

Најверојатно екипата на Јувентус ќе се раздели со својот напаѓач Пауло Дибала, откако двете страни не се договорија за нов договор. 

Актуелниот договор на Аргентинецот со Јувентус истекува на лето и тој ќе го напушти Торино како слободен играч. 

Според „Газета дело Спорт“, „бјанконерите“ веќе се одлучиле за ангажман на напаѓачот од Сасуоло, Џакомо Распадори, во кого гледаат идеална замена за Дибала.

22-годишниот Италијанец има договор со Сасуоло до јуни 2024 година, а сезонава одигра 31 натпревар и постигна 9 гола во сите натпреварувања за својот тим.