Њукасл во јануари се засилува со четворица Англичани

Тимот на Њукасл за време на зимската пауза ќе се обиде да се засили со четворица англиски играчи, пренесува „Телеграф“. 

Тренерот на екипата, Еди Хау побара од новите сопственици донесување на неколку нови имиња кои би помогнале во борбата за опстанок во Премиер лигата.

На пописот за можни засилувања се најдоа Џеси Лингард кој со сигурност ќе го напушти Манчестер Јунјатед оваа зима, Хари Винкс од Тотенхем кој од поодамна го изгуби местото во Тотенхем, Рос Баркли од Челзи како и репрезентативецот Киран Трипие кој настапува за Атлетико Мадрид.

„Црно-белите“ во моментот се наоѓаат на последното место во Премиер лигата, без ниту една остварена победа досега.