Њукасл испрати нова понуда за Медисон

Англиските медиуми објавуваат дека фудбалскиот клуб Њукасл испрати втора понуда до Лестер за играчот Џејмс Медисон вредна околу 50 милиони фунти.

Претходно челниците на Лестер ја одбија првата понуда за 25 годишниот фудбалер од средината на теренот.

Медисон дресот на Лестер го носи од 2018 година, а според информациите тој би можел да добие дозвола за напуштање на клубот ако пристигне понуда од 60 милиони фунти.

Џејмс Медисон минатата сезона одигра 53 натпревари за Лестер и постигна 18 гола и запиша 12 асистенции.