Џака: Не заминувам од Арсенал без голем трофеј

Играчот од средниот ред на Арсенал, Гранит Џака изјави дека не планира да го напушти клубот додека не освои голем трофеј со него.

„Сакам мојот однос со навивачите да биде подобар. Сакам да бидам поблиску до нив. По оваа сезона ми остануваат уште две години со Арсенал. Ќе дадам се што можам додека играм за овој клуб. Секогаш сум го велел тоа. Не го потпишав договорот само за да се забавувам. Сакам да постигнам нешто посебно со овој клуб. Додека тоа не се случи, нема да заминам“, изјави Џака за англиските медиуми.

Швајцарскиот репрезентативец е во Арсенал од 2016. Заедно со топџиите, 29-годишниот Швајцарец двапати го освои ФА Купот и Суперкупот.