Џеко има понуда од Галатасарај

Турскиот фудбалски гигант Галатасарај е заинтересиран за доведување на напаѓот од Интер, Един Џеко.

Според информациите од Италија, челниците на Галатасарај се подготвени да му понудат на Џеко двегодишен договор со плата од пет милиони евра по сезона.

Оваа понуда со сигурност е повеќе од прифатлива за босанскиот интернационалец кој следната година ќе наполни 37 години. Иако Џеко има одлична сезона со Интер, и сите во клубот се задоволни од неговите настапи, сепак неговото продолжување на договорот со италијанскиот клуб кој истекува на крајот од сезоната најверојатно нема да се резлизира.