Џеко убеден дека може да игра на врвно ниво и на 40 години

40-годишниот фудбалер, Един Џеко, откако во летниот трансфер период се врати во Италија и потпиша за Фиорентина, вели дека никој не смее да го отпише пред време.

„Годините не се значајни. Се чувствувам добро, работиме напорно. Играчите се многу мотивирани“ – рече играчот од Босна и Херцеговина.

„Никогаш не сум си поставил ограничувања и никогаш не сум кажал колку голови сакам да постигнам. Тимот е на прво место, головите и асистенциите се исто така моја работа“ -истакна ветеранот кој потпиша договор за една година со можност да му биде продолжен до 2027-ма.