Џошуа: Се ближи крајот на мојата кариера

Британскиот боксер Ентони Џошуа изјави дека се ближи крајот на неговата кариера и оцени дека му остануваат најмногу уште пет години пред да се повлече.
Откако дебитираше како професионалец во 2013. година, Џошуа е двоен светски шампион во тешка категорија, во 2019. година во реваншот против Енди Руис ја освои титулата во ВБА, ИБФ и ВБО верзија, а ги одбрани минатиот месец со нокаут против Кубрат Пулев.
„Ова не е почеток на мојата кариера, се ближам кон крајот. Не сум некој кој живее во моментот и мисли дека се ќе биде како што е сега. Секогаш планирам за иднината и знам дека одам кон крајот на кариерата. Останаа уште пет години, тоа е практично олимписки циклус.“ – изјави Џошуа.
„Имам олимписки циклус и уште малку повеќе, па кога ќе ги гледате наредните Олимписки игри, тогаш ќе се приближам кон крајот на кариерата и на сцена ќе дојде наредната генерација.“ – изјави 31-годишниот боксер.
Оваа година се очекува големата борба против Тајсон Фјури.