Џулиус Томас нов тренер на Париз

Кошаркарскиот клуб Париз го назначи Џулиус Томас за привремен тренер до крајот на сезоната.

28-годишникот ќе го замени Франческо Табелини на таа позиција.

Досега, Томас ја извршуваше позицијата помошник главен тренер.

Тој ќе стане најмладиот тренер во историјата на Евролигата, со што Париз ја потврди репутацијата на клуб кој верува во млади таленти.

Тој е член на клубот од летото 2023 година и оттогаш придонесува за континуитетот на развојот на тимот од Париз.

Беше асистент на Томас Исало, а потоа и на Тијаго Сплитер, кои сега работат во НБА.

Томас ќе има можност да дебитира на 27 март против Дижон во француското првенство.