Артета во нови грижи, се повредија два дефанзивци на Арсенал

Арсенал со нови проблеми со повреди по триумфот над Виган со 4-0 во ФА Купот. На листата на повредени сега се дефанзивците Бен Вајт и Рикардо Калафиори.

Се очекуваше Калафиори да започне како стартер на мечот со Виган, но се повреди за време на загревањето пред натпреварот, додека Вајт го напушти теренот десет минути пред последниот свиреж на судијата.

Главниот тренер Микел Артета изјави дека конечната состојба на играчите ќе биде позната во следните 48 часа. Покрај тоа, натпреварот го пропушти и Мартин Одегард, кој сè уште се опоравува од повредата здобиена на натпреварот против Брентфорд.