Горецка: Останав затоа што можеме да ги освоиме сите трофеи

Фудбалерот на Баерн Минхен, Леон Горецка, објасни зошто одлучил да остане до крајот на сезоната иако беше поврзуван со клубови од Премиер лигата, Ла Лига и Серија А.

„Во јануари донесов свесна одлука да останам тука до летото. Чувствувам дека сè е навистина можно оваа сезона. Вистинските играчи се на вистинската позиција, со вистинскиот тренер, во вистинскиот клуб.

Верувам дека можеме да освоиме сè оваа сезона – иако знам колку е тешко. Но, ќе се обидеме“, рече Горецка.