Баер Леверкузен пак одбра Шпанец за свој предводник

Footbal : Olympique Lyonnais V Toulouse – Ligue 1 – October 05, 2025 Carles Martinez NOVELL coach of Toulouse during the French ligue 1 football match between Olympique Lyonnais and Toulouse at the Groupama stadium in Decines-Charpieu Lyon, France on October 05, 2025 PUBLICATIONxNOTxINxFRAxBEL Copyright: xALLILI_MOURADx

Германскиот фудбалски прволигаш Баер Леверкузен го назначи денеска Шпанецот Карлес Мартинез Новел за нов тренер на местото на Каспер Хјулманд.

Данецот Хјулманд беше селектор на Данска од 2020 до 2024 година пред да седне на клупата на Баер, а неговиот 42-годишен наследник доаѓа од францускиот клуб Тулуз.

Мартинез Новел и Баер потпишаа договор до јуни 2028 година.

„Мартинез Новел е тренер со јасни принципи и модерен поглед на фудбалот. Убедени сме дека тој може да ги направи вистинските потези во соработката со нашиот тим“, изјави извршниот директор на Баер, Симон Ролфс.

Новел е втор шпански стратег што седнува на клупата на Баер во последните неколку години. Баер од 2022 до 2025 година беше предводен од Чаби Алонсо, кој ја освои титулата во германското првенство без пораз во 2024 година и играше во финалето на Лигата на Европа истата сезона.

Баер минатата сезона заврши на шестото место во Бундеслигата и ќе се натпреварува во Лига Европа.