Родригез: Роналдо е одличен спортист, погледнете го неговото тело на 41 година

апитенот на Колумбија, Хамес Родригез, искажа пофални зборови за португалскиот напаѓач Кристијано Роналдо по нивниот меѓусебен натпревар во третото коло од групната фаза на Светското фудбалско првенство 2026 година.

Натпреварот се одржа на 28 јуни и заврши нерешено 0:0. Колумбија го освои првото место во К-групата со 7 бода, додека Португалија заврши втора со 5 бода.

Родригез и Роналдо, кои играа заедно во Реал Мадрид, разменија поздрави пред натпреварот, се прегрнаа и си посакаа среќа. Камерите го забележаа и нивниот пријателски разговор во тунелот за време на полувремето.

„Разговаравме. Тој ми е голем пријател уште од времето кога беше во Реал Мадрид и е прекрасна личност. Развивме одлично пријателство; секогаш бев во неговата куќа. Тој е одличен човек и пример за сите. Погледнете го неговото тело на 41 година, погледнете што прави. Тој е одличен спортист. Многу го почитувам и имам огромна наклонетост кон него“, истакна Родригез за „ESPN“.

Во осминафиналето на Светското првенство, Португалија ќе игра против Хрватска, додека Колумбија ќе се соочи со Гана.