Пелистерци негативни на ковид-19 тестовите пред почетокот на вториот дел

Резултатите од вчерашните тестирања за ковид-19 се негативни за целиот колектив на ФК Пелистер. Тоа значи дека сите играчи ќе му бидат на располагање на тренерот Димитар Капинковски за натпреварот во недела против екипата на Вардар во Скопје.
Натпреварот кој во Македонија е познат како „вечно дерби“ се игра в недела од 14:00 часот. Првиот дуел на овие две екипи, игран во октомври во Битола, заврши 1-1.
Битолчани во Скопје ќе патуваат без капитенот Драгарски, кој има акумулација на жолти картони.