Тухел: Играчите играат под стрес по вестите за Суперлигата

Фудбалерите на Челзи доцна синоќа одиграа нерешено на домашен терен со Брајтон 0-0 а нивниот тренер, Томас Тухел, вели дека за тоа голема вина има и целата приказна околу новата Суперлига. По натпреварот на „Стемфорд Бриџ“, стратегот на „сините“ призна дека сите информации за создавањето на Европската Суперлига имале негативно влијание врз перформансите на играчите. „Вестите за Суперлигата влијаеја на психата на играчите. Пред натпреварот разговаравме само за тоа и за ништо друго. Разочарани сме. Сакавме да победиме“, искоментира стратегот на Челзи.