Зошто на ЕУРО не се игра натпревар за бронзен медал?

Европското првенство е единственото големо фудбалско натпреварување каде нема натпревари за бронзен медал.

Оние кои го следат фудбалот знаат дека натпреварот за третото место не се игра на ЕУРО, така што тој натпревар нема да го гледаме ниту оваа година.

Но, во историјата се играа натпревари за трето место, од првото Европско фудбалско првенство во 1960. година во Франција, па се до 1980. година и ЕП во Италија. Сепак, УЕФА потоа го промени форматот на натпреварувањето и ја откажа борбата за третото место, бидејќи навивачите многу слабо го следеа натпреварот и немаше интерес.

На Светското првенство, Копа Америка и Африканскиот куп на нации, овој натпревар обично се игра еден ден пред финалето.