Дембеле четири месеци надвор од терените

Ѕвездата на Барселона, Осман Дембеле денес беше успешно опериран во Финска и тоа кај докторот Ласе Лемпнаинен, соопштија од клубот.

Дембеле се здоби со повреда за време на Европското првенство, а прегледите покажаа дека ќе мора да биде опериран. Сега му претстои пауза од четири месеци, па на терените ќе се врати на почетокот на ноември.

Дембеле во Барса дојде во 2017 година за 135 милиони евра, но не ги оправда очекувањата најмногу поради честите повреди.