Манчестер Јунајтед ја засилува одбраната со Маркао од Галатасарај?

Според пишувањата во турските медиуми, Манчестер Јунајтед покажува сериозен интерес за дефанзивецот на Галатасарај, Маркао. 

Во информациите се вели дека „црвените ѓаволи“ подготвуваат понуда вредна 25 милиони евра за бразилскиот играч од одбраната и дека 25-годишниот фудбалер е еден од приоритетните играчи кои се споменуваат како засилувања на клубот од „Олд Трафорд“.

Бразилецот оваа сезона одигра само 10 натпревари за екипата на Галатасарај во турската Суперлига, поради инцидент за време на натпревар кога нападна свој соиграч за што заработи суспензија од 8 натпревари. Маркао во исто време покажа солидни партии за својот тим во натпреварите од групната фаза од Лига Европа.