Лионел Меси, Роберт Левандовски и Мохамед Салах се тројцата финалисти за наградата најдобар играч според ФИФА

Светската Фудбалска Федерација ги објави имињата на тројцата фудбалери кои влегуваат во финалното гласање за наградата „The Best“, која се доделува за најдобар фудбалер за 2021 година. Во овогодинешниот финален избор ќе учествуваат Меси, Левандовски и Салах.

За добивање на оваа награда гласови даваат тренерите и капитените на фудбалските репрезентации членки на ФИФА.

Церемонијата на доделувањето на наградата ќе се одржи на 17.јануари, а минатогодишен победник беше Роберт Левандовски.