Повреда на Гризман и можна пауза од 4 недели

Антоан Гризман беше стрелец во победата на Атлетико од 5:0 над Рајо Мајадахонда во Купот на кралот, но заработи повреда на крајот од натпреварот.

Засега нема подетални информации од клубот, меѓутоа според весникот „АС“, Гризман поради повреда на бутниот мускул ќе биде надвор од терените помеѓу 4 и 5 недели.

Во овој период, Атлетико Мадрид има многу згуснат распоред,и го очекува меч со Атлетик Билбао во полуфиналето на шпанскиот Суперкуп, потоа гостување кај Реал Сосиедад за Купот на кралот и натпревар во Ла Лига со Валенсија.