Борусија Дортмунд фаворит за потписот на Никлас Зуле

Дефанзивецот Никлас Зуле, кој на лето ќе го напушти Баерн, може да остане во германската Бундеслига.

26-годишниот фудбалер може да се пресели во Борусија Дортмунд како слободен играч. Извршниот директор на Баерн, Оливер Кан, минатиот месец потврди дека клубот не можел да се договори за нов договор со Зуле.

Претставниците на Борусија разговараат со дефанзивецот и има голема веројатност да постигнат договор. Борусија Дортмунд беше заинтересирана за него уште во 2016 година, кога играчот играше за Хофенхајм.