Траоре: Дојдов во Барселона да победувам и да дадам се од себе

Фудбалскиот клуб Барселона и официјално го претстави своето ново засилување, Адама Траоре. Траоре се врати на Камп Ноу после трансферот од премиерлигашот Вулверхемптон, и ќе го носи дресот со број 11.

„Му благодарам на претседателот Лапорта што го овозможи моето враќање, како и на моите пријатели, на моето семејство и на сите што беа со мене во текот на седумте години додека бев далеку од дома. Ќе дадам се од себе да ги израдувам навивачите. Се надевам дека во недела ќе ја покажам својата сила на теренот. Сега сум физички посилен, имам поголемо искуство играјќи во Премиер лигата, која е доста напорна. Сепак, никогаш не ја заборавив Барса и многу сум среќен што можам да се вратам и да работам со Чави. Доаѓам да победувам и да дадам се од себе.