ПСЖ го издвои Ерлинг Халанд како приоритетен трансфер за замена на Мбапе

Екипата на Париз Сен Жермен веќе работи на план Б за замена на Килијан Мбапе доколку се реализира неговото заминување во Реал Мадрид.

Според францускиот весник Екипа, спортскиот директор на ПСЖ, Леонардо, веќе им предложил на клубските челници да го доведат напаѓачот на Борусија Дортмунд,Ерлинг Халанд.

Оваа трансфер операција нема да биде лесна за ПСЖ, бидејќи како конкуренти за ангажман на норвешкиот голгетер се споменуваат Манчестер Сити, Барселона и Манчестер Јунајтед. Но според францускиот весник сопственикот на тимот Насер ал-Калаифи и Леонардо се во постојан контакт со менаџерот на играчот, Мино Раиола.