Хамес Родригез: Сакав да останам во Евертон, но дојде менаџер кој не ме сака

Во 2020 година Евертон во своите редови го доведе Хамес Родригез како големо засилување.

Стартот на Колумбиецот беше одличен во редовите на „карамелите“, но потоа следуваше пад во формата. Откако Карло Анчелоти си замина од Евертон, Родригез и го изгуби местото во стартниот тим, Бенитез не сметаше на него.

Во таква ситуација Родригез беше принуден да побара нов клуб, па кариерата ја продолжи во редовите на Ал Рајан. Сега тој порача дека сакал да остане подолго во Евертон.

„Евертон е еден спектакуларен клуб, сакав да останам подолго, но дојде тренер кој не сметаше на мене. Тренерот не сакаше да бидам дел од тимот па немав друга опција освен да си заминам“, изјави Родригез.