Севиља без Марсијал за реваншот со Динамо во Загреб

Екипата на Севиља отпатува за Загреб без напаѓачот Антони Марсијал. Французинот поради повреда нема да биде во тимот за реванш натпреварот против Динамо во Лигата на Европа.

Марсијал беше стрелец на гол во првиот натпревар помеѓу двете екипи кој се одигра пред една недела а заврши со резултат 3:1 за домаќинот Севиља.

Антони Марсијал настапува за Севиља како позајмен играч на Манчестер Јунајтед, а во екипата пристигна за време на јануарскиот преоден рок.