Холанѓанецот Ботман најнова опција за одбраната на Челзи

Челзи спрема понуда за дефанзивецот на Лил, Свен Ботман пренесуваат медиумите на Островот.

Челзи е во потрага по квалитетен дефанзивец и до последниот ден од трансфер пазарот се обидуваше да го ангажира Жил Кунде од Севиља. „Сините“ на лето готово сигурно ќе останат без Рудигер, па сакаат да донесат најмалку еден врвен дефанзивец, а Ботман е една од најголемите желби.

Холанѓанецот со своите настапи во Лил се промовираше во еден од најдобрите млади дефанзивци и го привлече вниманието на многу гиганти.

Челзи сака да ја победи конкуренцијата и спрема понуда од 35 милиони евра за Лил.