Интер бара Аргентина да ги ослободи Лаутаро и Кореа од мартовските натпревари

Првите луѓе на Интер ќе побараат од Аргентинската фудбалска федерација да ги изостави репрезентативците, Лаутаро Мартинез и Хоакин Кореа за квалификациските мечеви против Венецуела (26 март) и Еквадор (30 март).

Италијанците се определија за такво барање бидејќи „гаучосите“ имаат обезбедено место на СП а „нероаѕурите“ ги чека дерби со Јувентус на 3 април веднаш по паузата за репрезентативните активности.

Италијанскиот тим сака Мартинез и Кореја да бидат максимално подготвени за да настапат против „старата дама“. Тоа може да биде решавачки меч за титулата во Серија А.