Манчестер Јунајтед ја засилува одбраната со играч од Виљареал

Играчот од одбраната на шпанскиот Виљареал , Пау Торес, е трансфер мета на Манчестер Јунајтед.

Одличните дефанзивни партии на Торес предизвикаа особено внимание од голем број европски клубови. Челниците во Јунајтед се на мислење дека Шпанецот би претставувал огромно засилување за одбраната на екипата, која оваа сезона се мачи во справувањето со противничките тимови. Под посебна критика е капитенот Мегваер кој не ги исполни очекувањата од бројните навивачи на клубот од „Олд Трафорд“.

Цената која Манчестер би ја издвоил за ангажман на Торес се движи околу 50 милиони евра, но голем конкурент во обезбедување на неговиот потпис ќе има во Реал Мадрид кој исто така посакува да го види во своите редови.