Бешикташ се откажа од намерата да го откупи Пјаниќ

Турскиот гигант Бешикташ ја смени одлуката и повеќе нема намера трајно да го задржува играчот од средниот ред Миралем Пјаниќ.

Босанецот настапува за Бешикташ како позајмен играч од Барселона.

„Пјаниќ е на позајмица во нашиот тим од почетокот на сезоната. Тој нема да биде дел од Бешикташ следната сезона“, изјави спортскиот директор на клубот Џејхан Казанчи.

Пјаниќ неодамна се врати од двомесечна пауза поради повреда која очигледно била важна за одлуката на раководството на Бешикташ.