Објавени датумите на последните баражи за СП во Катар

Репрезентацијата на Шкотска на 1. јуни ќе ја пречека Украина на домашен терен во полуфиналниот бараж за учество на Светското првенство во Катар. Натпреварот требаше да се одигра на 24 март, но беше одложен поради руската инвазија на Украина.

Победникот од овој дуел на 5.јуни ќе се сретне во финалето против Велс, на стадионот во Кардиф. Една од овие три селекции ќе биде последниот учесник во групата Б на Светското првенство во која се Англија, САД и Иран.