Чави: Се чувствувавме ограбени во сопствениот дом

Тренерот на Барселона, Чави Ернандез не може да го преболи болниот пораз од Ајнтрахт Франкфурт во Лигата на Европа. 

“Се започна многу лошо кога дознавме дека има толкав број на гостински навивачи на стадионот. Беше непријатно во секоја смисла. Се чувствувавме ограбени во нашата куќа“, рече Чави. 

Чави се надева дека Барселона ќе успее да ги пронајде виновниците за тоа што на трибините на Камп Ноу имаше повеќе од 30.000 навивачи на Ајнтрахт Франкфурт.

“Се надевам дека лицата од клубот ќе дадат соодветно објаснување. Тоа беше грешка на клубот, очигледно. Очекувам прво нам да ни објаснат што се случи, а потоа да им објаснат и на медиумите. Јасно е дека вакво нешто не треба да се повтори“, изјави Чави.