Мората не сака во Арсенал, Премиер лигата не му е омилена

Алваро Мората не е особено заинтригиран од можноста да премине во Арсенал на лето, тврди „Ла Стампа“. Во последните денови се зборува за интерес на „топчиите“ за Шпанецот, кој дури подготвуваат понуда од 25 милиони фунти за неговите права. 29-годишниот фудбалер моментално е на позајмица во Јувентус од Атлетико Мадрид, но тимот од Торино најверојатно нема да ја плати откупната клаузула и ќе мора да бара нов тим на лето.

Сепак, можноста за враќање во Премиер лигата не звучи особено примамливо за Мората. Тој веќе имаше прилично лошо време во Челси, каде играше помеѓу 2017 и 2019 година, но не успеа да го покаже најдоброто од себе и на крајот беше префрлен во Атлетико Мадрид. Покрај тоа, на играчот не му се допаѓал особено животот во Лондон, па опцијата да се врати таму не звучи многу добро.