Тен Хаг ќе го засилува Манчестер Јунајтед со Ентони од Ајакс

Најверојатно новиот тренер на Манчестер Јунајтед,Ерик тен Хаг планира на Олд Трафорд да го доведе бразилското крило Ентони од неговиот сегашен клуб Ајакс. 

Медиумите во Англија пренесуваат дека „црвените ѓаволи“ подготвиле понуда од над 50 милиони фунти, кои би требало да бидат доволни за реализација на трансферот.

22-годишниот Ентони беше доведен во Ајакс како замена за Хаким Зиеш во летото 2020 година од бразилскиот Сао Паоло. Сезонава тој постигна 12 гола и реализира 10 асистенции.