Кристијано Роналдо проговори околу доаѓањето на Тен Хаг

Првата ѕвезда во тимот на Манчестер Јунајтед, Кристијано Роналдо, во изјава за клупскиот сајт вели дека сите на Олд Трафорд се возбудени поради доаѓањето на Ерик тен Хаг на тренерското место.

Холандскиот тренер освои уште една титула првак на Холандија со Ајакс, и се очекува да го наследи Ралф Рангник во Манчестер Јунајтед после последниот натпревар на екипата со Кристал Палас на 22.мај.

„Тоа што го знам за него е дека направи фантастична работа со Ајакс, и дека е искусен тренер. Но мора да му дадеме време. Работите мора да се променат како што посакува новиот тренер.Се надевам дека ќе имаме успех и дека следната година ќе освојуваме трофеи“, изјави Роналдо.