Интер го тргна Шкрињар од трансфер пазарот

Интер го тргна од трансфер листата дефанзивецот Милан Шкрињар откако ја одби официјалната понуда од францускиот гигант Пари Сен Жермен.

Претседателот Стивен Жанг, им соопштил на соработниците дека клубот нема интерес да ја продаде својата ѕвезда, а наместо тоа, Интер истражува опции за обновување на договорот со Словакот кој има активен договор до 2023 година.

Менаџерот Симеоне Инзаги го гледа 27-годишниот дефанзивец како клучен дел од тимот и ќе има влијателна улога во неговите планови за сезоната 2022/23.