Шалке му даде отказ на тренерот Крамер

Бундеслигашот Шалке 04 после серијата на лоши резултати реши да го отпушти тренерот Франк Крамер.

Шалке е елиминиран во Купот на Германија после поразот со 5:1 од Хофенхајм. За Шалке ова беше петти врзан пораз во сите натпреварувања. На табелата во Бундеслигата екипата го зазема претпоследното место со шест бодови и една остварена победа.

50-годишниот Крамер беше тренер на Шалке од јуни оваа година.