Јуве и Астон Вила планираат да ги разменат голманите

Голманот на Аргентина и Астон Вила, Емилијано Мартинез би можел кариерата да ја продолжи во Италија. Јувентус е заинтересиран за услугите на аргентинскиот голман, информира „Калчомеркато“.

Според изворот, во замена за Мартинез, Јувентус е подготвен да му го понуди на Астон Вила својот голман Војчех Шчесни. Се забележува дека самиот Шчесни не би сакал да го напушти Торино.

Да потсетиме, претходно медиумите објавија дека Астон Вила има намера да се ослободи од Мартинез. Тренерот на англискиот тим Унаи Емери бил изнервиран од однесувањето на голманот по финалниот натпревар на Светското првенство во 2022 година со француската репрезентација. Мартинез ги испровоцира противниците за време на решавачкиот меч, кој заврши со победа на аргентинскиот тим (3-3, 4-2 по пенали). За време на шампионската прослава во Буенос Аирес, голманот носеше кукла со ликот на Мбапе.