Марсијал се израмни со легендата Дејвид Бекам

Ентони Марсијал постигна еден од двата гола при победата на неговата екипа над Нотингем Форест со 2:0 во реваншот од четвртфиналето на Карабао Купот.

На овој начин Французинот му помогна на својот тим да стигне до финалето на турнирот. Тоа беше негов 85. гол за Манчестер Јунајтед во неговиот 282. натпревар во сите натпреварувања.

Така тој се израмни со Дејвид Бекам во рангирањето за фудбалери со најмногу голови во историјата на „црвените ѓаволи“. Тие двајца сега ја делат 25-та позиција на вечната ранг-листа. Сепак, Марсијал и понатаму е далеку од лидерите на оваа ранг листа, на која на чело е Вејн Руни со 253 гола, пред Боби Чарлтон со 249 и Денис Лоу со 237.