Адетокумбо неизвесен за претстојниот Ол-стар викенд

Кошаркарите на Милвоки Бакс забележаа победа над Чикаго со резултат 112:100 и така ја запишаа својата 12 последователна победа во НБА лигата.

Сенка на оваа победа за Милвоки фрли повредата на најдобриот кошаркар во тимот, Јанис Адетокумбо.

Гркот имаше превиткување на зглобот од десната рака кога на почетокот од втората четвртина падна под кошот во дуел со противнички играч. Според првичните информации на таборот на Милвоки, Адетокумбо заработил полесна повреда, но тренерот на тимот не е сигурен дека играчот ќе биде подготвен за настап на Ол-стар викендот.

Милвоки е петтиот тим во историјата на НБА лигата кој пред паузата за Ол-стар има остварено 12 победи по ред.