Фановите на Наполи загрижени, неизвесен настапот на Осимен против Милан

Тренерот на Наполи, Лучијано Спалети изјави дека не знае дали Виктор Осимен ќе биде спремен да игра против Милан во Лигата на шампиони.

Осимен се повреди додека настапуваше за Нигерија, па го пропушти и претходниот меч против Милан, кој Наполи го загуби со 0-4.

„Осимен е фудбалер кој треба да игра на секој натпревар, но сега е повреден и мора да внимаваме. Ако играше против Лече, сега ќе беше полошо. Мора да му дадеме време за рехабилитација. По повредата тренираше лесно, но мора да видиме како ќе реагира при поголеми напори на теренот“, изјави Спалети.

Отсуството на Осимен сигуно би бил голем хендикеп за Наполи, кој во среда му гостува на Милан во првиот четвртфинален натпревар од ЛШ.