Манчестер Јунајтед издвојува 53 милиони фунти за дефанзивец на Наполи

Медиумите од Англија пренесуваат дека Манчестер Јунајтед е подготвен да понуди 53 милиони фунти за доведување на играчот на Наполи Ким Мин Jae.

Јужно корејскиот дефанзивец оваа сезона прикажува фантастични партии во дресот на Наполи и е еден од најзаслужните играчи во освојувањето на шампионската титула во Серија А. Откупната клаузула за фудбалерот изнесува 40 милиони фунти.

Поранешниот играч на Фенербахче во Наполи пристигна минатото лето како замена за Калиду Кулибали кој замина во Челзи.