ПСВ Ајндховен постави клупски рекорд за трансферот на Ноа Ланг

ПСВ Ајндховен се пофали со трансферот на Ноа Ланг, што значи сериозно засилување за новата сезона, но и ангажирање на фудбалер кој е производ на младинската академија на најголемиот ривал Ајакс.

Ланг доаѓа од Клуб Бриж, но е поранешен јуниор на Ајакс и фудбалер за кого великанот од Амстердам не најде место во својот тим, дозволувајќи му да замине најпрвин во Твенте, а потоа и во Белгија.

Сега ПСВ го врати Ланг во Холандија за двојно задоволство на своите фанови, а за овој фудбалер ќе плати 15 милиони евра.