Дефинирани групите за следната Копа Америка

Покрај Европското првенство следната година од 20 јуни до 14 јули во САД ќе се игра и популарната Копа Америка.

Изминатата вечер беа извлечени и групите за Копа Америка, а според нив евентуална средба на Бразил и Аргентина може да се случи само во финалето. Светскиот шампион Аргентина ќе игра во групата „А“ со Перу, Чиле и подобриот од дуелот помеѓу Канада и Тринидад и Тобаго.

Мексико, Еквадор, Венцуела и Јамајка се во групата, „Б“. Домаќинот САД во групата „Ц“ ќе игра со Уругвај, Панама и Боливија.

Бразил доби место во последната, групата „Д“ со Колумбија, Парагвај и подобриот од бараж натпреварот помеѓу Хондурас и Костарика.