Арсенал ја отвори вратата за трансфер на Сане

Арсенал има сериозен интерес за крилниот напаѓач на Баерн Минхен, Лерој Сане. Последните денови се повеќе се појавуваат информации дека „топчиите“ се насочиле кон овој играч, а уште една доаѓа од авторитетното германско издание „Билд“, кое потврдува дека германскиот интернационалец може да се пресели на „Емирати“ на лето.

Се вели дека лондончани дури почнале да му се додворуваат на играчот. Клубот контактирал со неговите агенти и започнале прелиминарни разговори за можен трансфер. Идејата е Сане да пристигне во клубот како слободен играч откако ќе му истече договорот со Баерн на крајот од сезоната.

Лично, менаџерот Микел Артета притиска Сане да биде доведен во клубот. Тој добро ги знае неговите квалитети од времето заедно во Манчестер Сити и знае како најдобро да ги искористи неговите силни страни.

28-годишниот Сане во Баерн пристигна токму од Манчестер Сити во 2020 година за 50 мил. евра. Со баварскиот тим има 186 натпревари, 51 гол и 50 асистенции. Тој е и германски репрезентативец со 66 натпревари и 14 голови за Бундеслигата.