Гвардиола: Кој напаѓач сега би дошол да биде замена за Халанд?

Тренерот на фудбалерите на Манчестер Сити, Пеп Гвардиола, објасни зошто „граѓаните“ не можат да ангажираат напаѓач од типот на Мбапе.

„Ѕвездените голгетери нема да дојдат кај нас да го заменат Халанд. Треба да најдеме млад играч кој ќе ја прифати оваа улога или играч како Боб, Мекаити, Фоден. Не можеме да одиме да го купиме, на пример, Мбапе“ , изјави Гвардиола.

„Граѓаните“ денес ги чека меч со францускиот ПСЖ во новата рунда во Лигата на шампионите.